အမျိုးသမီးအင်အားလိုအပ်နေသောမြန်မာပြည်ငြိမ်းချမ်းရေးဖော်ဆောင်မှု

မြခြူ (Myanmar Now)

ရေးသားသည်။

 

ရှမ်းပြည်နယ်၊ နမ္မတူမြို့ KBC စစ်ရှောင်စခန်းအတွင်း တဲတစ်လုံးအဝင်ဝတွင်  အပ်ချုပ်စက်တစ်လုံးက နေရာယူ ထားပြီး မီးဖိုချောင်သုံးပစ္စည်းများက ဟိုတစ်စဒီတစ်စရှိ နေသည်။ ယင်းအခန်းလေးထဲတွင် ဒေါ်ရွယ်ဆမ်နှင့် ဧည့် သည် အမျိုးသားတစ်ဦးစကားစမြည်ပြောနေကြ၏။

 

”ဒီမီးဖိုက ကျွန်မတို့ဘာသာလုပ်ထားတာပါ။ အဲ့ဒါကို သေသေချာချာလုပ်ပြီးဈေးကွက်မှာပြန်ရောင်းချင်ပါတယ်” ဟု အမျိုးသမီးကပြောလိုက်ရင်းမီးဖိုအတွင်းရှိထင်းနှင့် မီးခဲ များကို ဖြန့်ချလိုက်သည်။

 

မီးခိုးအူနေသည့် မီးဖိုကိုကြည့်နေသူအမျိုးသား ကသူ၏ အထက်အဖွဲ့အစည်းသို့တင်ပြမည်ဖြစ်ကြောင်း၊ အဆင်ပြေမည်ဟုယူဆကြောင်း ပြန်ပြောလိုက်၏။

 

အသားအရေဝါဖန့်ဖန့်၊စကားကိုအသံတည်တည်ငြိမ် ငြိမ်ဖြင့် ပြောတတ်သည့် ဒေါ်ရွယ်ဆမ်၏မျက်ဝန်းများနှင့် လက်များကအစဉ်မပြတ်လှုပ်ရှားနေတတ်သည်။ လမ်းကို ခပ်သွက်သွက်လျှောက်လေ့ရှိသည်။ ခင်ပွန်းသည် ကွယ်လွန် သွားပြီဖြစ်သောကြောင့် သားသမီး၆ဦးကို တစ်ယောက် တည်းအုပ်ထိန်းလာသူဒေါ်ရွယ်ဆမ်ကစခန်းရှိ မူကြို ကျောင်းတွင် အလုပ်လုပ်နေသူဖြစ်သည်။

 

”လူကြီးတွေကဘာကြောင့်ကျွန်မကိုခေါင်းဆောင်လုပ်ဖို့ ရွေးလိုက်လဲဆိုတာတော့မသိဘူး။ ဒါပေမယ့် ကျွန်မတာဝန် ကို ကျွန်မကျေအောင်လုပ်ရမှာပေါ့” ဟု ဒေါ်ရွယ်ဆမ်က ဟင်းချက်နေရင်းပြောသည်။

 

မိသားစုစားဝတ်နေရေးအတွက် ဦးဆောင် ရုန်းကန် နေသူ၊ လက်မှုပစ္စည်းများထုတ်လုပ်သူ၊ စခန်းအတွင်းရှိ ပြဿနာများကိုဒိုင်ခံဖြေရှင်းရာတွင် ပါဝင်ရသူဒေါ်ရွယ် ဆမ်သည် အလုပ်လွန်စွာများပြားသော်လည်းသူကိုယ်တိုင် ပါဝင်ဆောင်ရွက်နိုင်သည့် လုပ်ငန်းစဉ်တစ်ခုရှိနေသည်။ ယင်းမှာ¤င်းတို့ကိုနေရပ်စွန့်ခွာထွက်ပြေးစေသော ပြည်တွင်း စစ်ရပ်စဲရန်အတွက် ပြုလုပ်နေသည့် ငြိမ်းချမ်းရေးဖော် ဆောင်မှု လုပ်ငန်းစဉ်တွင် ပါဝင်ဆောင်ရွက်ခြင်း ဖြစ်သည်။

 

သို့သော်လည်း ငြိမ်းချမ်းရေးလုပ်ငန်းစဉ်၏ အရေးပါ သောကဏ္ဍများတွင် အမျိုးသမီးများကိုနေရာပေးမှု အား နည်းခြင်းက ၄၈နှစ်အရွယ် ဒေါ်ရွယ်ဆမ်ကဲ့သို့သော ထက် မြက်သူတို့လျှောက်နေသောလမ်းတွင် အဟန့်အတား ကြီးဖြစ်နေသည်။

 

 

တိုက်ပွဲကြားထဲ ဖြတ်သန်းရသူ

 

မန်တုံမြို့နယ်အတွင်းရှိဒေါ်ရွယ်ဆမ်တို့၏ မန်ဆန်ရွာ အပါအဝင် ကျေးရွာများသည် ၂ဝ၁ဝ ပြည့်နှစ်နောက်ပိုင်း ပြည်တွင်းစစ်ဒဏ် ပိုမိုခံလာရသည့် နောက်ဆက်တွဲအဖြစ် အိမ်နီးချင်းနမ္မတူမြို့နယ်တွင် စစ်ဘေးရှောင်စခန်းများပေါ် ပေါက်လာခဲ့သည်။

 

တိုက်ပွဲများနှင့် မည်သို့သက်ဆိုင်သည် မသိသော် လည်း ၂ဝ၁၆ မှ စတင်ကာစခန်းများ၌ မူးယစ်ဆေးသုံးစွဲမှု မြင့်တက်လာခဲ့သည်။ အကျိုးဆက်အဖြစ်  မိသားစုတွင်း အကြမ်းဖက်မှု ပြဿနာများကဒေါ်ရွယ်ဆမ်ထံသို့ ရောက်ရှိ လာလေသည်။

 

”ဒါတွေဖြစ်နေရခြင်းရဲ့ အကြောင်းရင်းတွေထဲမှာ စစ်ပွဲတွေ ဟာအဓိကအကြောင်းရင်းတစ်ခုပဲ”ဟု မျက်မှောင် ကြုတ်ထားသည့် ဒေါ်ရွယ်ဆမ်ကဒေသအကြိုက် ချဉ်ရေ ဟင်းလုပ်ရန် ဆွန်ထန်ခြောက်များကိုရေနွေး ပူထဲပစ်ထည့် လိုက်ရင်းပြောလိုက်သည်။

”ကျွန်မတို့ကိုကာကွယ်တယ်ဆိုတာ ဘာကိုပြောတာ လဲလို့ အဲ့ဒီစစ်တိုက်နေကြတဲ့ သူတွေကိုပြောချင်တယ်” ဟု ဟင်းရည်အိုးထဲလိုအပ်သည်များ ထည့်ရင်းတရစပ်ပြော နေသည်။ ထို့နောက်ထင်းချောင်းတစ်ခုပေါ်ထိုင်ကာ ခဏ နားလိုက်ရင်း ”ကျွန်မတို့တွေ ဃဗဏြတွေမှာနေဖို့လုပ်ပေး နေတာကိုပြောတာလား”ဟုအသံမာမာဖြင့်ပြောလိုက်သည်။

 

”ဒီလိုဒုက္ခတွေဘာကြောင့် ဖြစ်ရလဲဆိုတာကိုသိချင် လာတယ်။ဒီအတွက် ကျွန်မစာတွေဖတ်တယ်။သတင်းတွေ နားထောင်တယ်။ဒါပေမယ့် ကျွန်မအခုထိနားမလည်ဘူး” ဟု စာဖတ်ဝါသနာပါခြင်းကလည်း ဒေါ်ရွယ်ဆမ်ခေါင်း ဆောင်နေရာရောက်လာရေးအတွက် အထောက်အကူဖြစ် မည် ဟုယူဆကြောင်းဒုက္ခသည်များအရေးဆောင်ရွက်နေ သည့် ဝန်ထမ်းတစ်ဦးကပြောသည်။

 

”သူကစာဖတ်ဖို့ မပျင်းဘူး။ စာဖတ်တော့ဘာဖြစ် လဲဆိုတော့ သူ့လူတွေကိုသူကိုယ်တိုင်စီမံခန့်ခွဲနိုင်တယ်။ နောက်တစ်ခုက ကျွန်တော်တို့ရဲ့ လုပ်ငန်းစဉ်တွေမှာလည်း အများကြီးကူညီပေးနိုင်တယ်”ဟု ၄င်းက မှတ်ချက်ချသည်။

ဒေါ်ရွယ်ဆမ်သည်နမ္မတူရှိအခြားသောစစ်ရှောင်စခန်းများ အတွင်းတစ်ကိုယ်ရေသန့်ရှင်းရေးကိစ္စရပ်များအတွက် လည်းစေတနာ့ဝန်ထမ်းအဖြစ် ကူညီနေသူဖြစ်သည်။ နံနက် ၄ နာရီမှ ည ၉ နာရီအထိအလုပ်အချိန်ဇယား ပြည့်နှက်နေ သည့် ဒေါ်ရွယ်ဆမ်၏အတွေးထဲတွင် စခန်းအတွင်းလိုအပ် ချက်များကိုမိမိတို့၏ ခွန်အားဖြင့် ဖြည့်ဆည်းနိုင်ရေးလည်း ပါဝင်နေသည်။

 

”ကျွန်မတို့ကိုကူညီနေသူတွေကအမြဲမကူနိုင်ဘူး။ ပြီးတော့ ကလေးတွေရဲ့ပညာရေးလည်းရှိတယ်။ဒီတော့ ကိုယ်တိုင်ရုန်းကန်ရမယ်လို့ပဲတွေးတယ်”ဟု ပန်းကန်များကို သိမ်းဆည်းရင်းပြောပြသည်။

စုပေါင်းလုပ်ကိုင်နိုင်သည့် လုပ်ငန်းတစ်ခုကိုဖော် ဆောင်နိုင်ရန် ပညာရပ်အချို့ကိုလေ့လာသင်ယူလျက်ရှိ သည်။ လောင်စာနည်းထင်းမီးဖို၊ သဘာဝကုန်ကြမ်းသုံး ဆပ်ပြာ၊ ခေါင်းလျှော်ရည်တို့ကိုလေ့လာဖန်တီးထားပြီးဖြစ် သည်။

 

အမျိုးသမီးတို့၏အသံနားထောင်ခြင်း

 

တိုက်ပွဲများကြောင့် အများဆုံးထိခိုက်နစ်နာ ရသူတို့မှာအမျိုးသမီး၊ သက်ကြီးရွယ်အိုနှင့် ကလေးငယ်များ ဖြစ်ကြောင်းနိုင်ငံတကာစစ်တမ်းများကအဖြေထုတ်ထားသည်မှာ နှစ်ပေါင်းများစွာ ကြာပြီဖြစ်သည်။

 

သန်မာသည့် အမျိုးသားများကစစ်အေးချိန်တွင်   အိုးအိမ်ပိုင်ဆိုင်မှုများကိုစောင့်ရှောက်ရန် နေရပ်ပြန်လေ့ရှိကြ သည်ဆိုသောကြောင့် ကျန်ရစ်သည့် အမျိုးသမီးနှင့် ကလေးများအတွက် ရုပ်ပိုင်း၊ စိတ်ပိုင်းဆိုင်ရာလုံခြုံမှု အတွက် လိုအပ်ချက်များရှိနေကြောင်းနမ္မတူရှိ စစ်ဘေး ရှောင်ကူညီရေးအဖွဲ့တချို့ထံမှ သိရသည်။

 

၂၁ရာစုဒုတိယပင်လုံညီလာခံ၏ လူမှုရေးကဏ္ဍမူဝါဒ သဘောတူညီချက် ၄ ခုတွင် သက်ကြီးရွယ်အို၊ မသန်စွမ်း၊ အမျိုးသမီး၊ ကလေးများ၏ အခြေခံရပိုင်ခွင့်နှင့် အခွင့် အရေးများကိုလူမျိုး၊ ဘာသာ၊ ဆင်းရဲ၊ ချမ်းသာမခွဲခြားဘဲ ထိရောက်စွာ ကာကွယ်စောင့်ရှောက်ရန်၊ လူမှုဘဝ မြှင့်တင်မှုကို ဆောင်ရွက်ရန်ဟူသည့် အချက်လည်းပါဝင် သည်။

 

ယင်းသဘောတူညီချက်ထွက်ပေါ်လာသည်မှာငါးလ ကြာပြီဖြစ်သော်လည်း နမ္မတူစစ်ရှောင်စခန်းများရှိ ထိခိုက် နစ်နာရသူများအတွက် လှုပ်ရှားဆောင်ရွက်မှု တစ်စုံတစ်ရာ မရှိသေးကြောင်းစစ်ဘေးရှောင်တို့ကိုကူညီနေသည့်  ရှမ်း ပြည်နယ်ကချင်နှစ်ခြင်းအသင်းတော်များအဖွဲ့မှ ဒေါ်ခေါင် နန်းက ပြောသည်။

 

”ဒီသဘောတူညီချက်တွေကိုအကောင်အထည် မဖော်နိုင်သေးဘူးဆိုရင်တောင် တကယ်တိုက်ရိုက် သက် ဆိုင်တဲ့သူတွေကိုသိအောင်ပြောပေးသင့်တယ်။ သူတို့စကား သံတွေကိုနားထောင်သင့်တယ်”ဟုအသင်းတော်မှ အမျိုး သမီး၊ ငြိမ်းချမ်းရေးနှင့် လုံခြုံရေးလုပ်ငန်းတာဝန်ခံ ဒေါ်ခေါင်နန်းက သုံးသပ်သည်။

 

”ကျွန်မတို့ တကယ်မြေပြင်မှာထိတွေ့နေရတဲ့ အသံ တွေကို ငြိမ်းချမ်းရေးဆွေးနွေးပွဲတွေဆီမပို့နိုင်သေးဘူး။ ဆွေးနွေးနေသူတွေက ဘယ်လိုအချက်အလက်တွေရယူလဲ ဆိုတာကိုတော့ မသိဘူး”

ရခိုင်ပြည် လွတ်မြောက်ရေးပါတီ၏ အထွေထွေ အတွင်းရေးမှူးဒေါ်စောမြရာဇာလင်းက မငြိမ်းချမ်းသည့် အတွက် စစ်ရှောင်စခန်းသို့ သွားရောက်ခိုလှုံရသူများ၊  အမျိုးသမီးများကိုလည်း  ငြိမ်းချမ်းရေးဆွေးနွေးမှုတွင် မေ့မထားသင့်ကြောင်းထောက်ပြသည်။

 

”ကျွန်မတို့ဒီလူတွေအတွက် ဘာမှထိထိရောက် ရောက် မဆောင်ရွက်ပေးနိုင်သေးဘူး။ ဒါဟာလက်မှတ်ထိုး ထားတဲ့အဖွဲ့တွေနဲ့ ပြည်နယ်အစိုးရတို့ရဲ့ ညှိနှိုင်းဆွေးနွေး တာမျိုးတွေမရှိတာကြောင့်ဖြစ်တယ်”ဟု ပြည်ထောင်စုငြိမ်း ချမ်းရေးဆွေးနွေးမှု ပူးတွဲကော်မတီ၏ အတွင်းရေးမှူးအဖွဲ့ ဝင်အဖြစ် တာဝန်ယူထားသည့် ဒေါ်စောမြရာဇာလင်းက ပြောသည်။

 

ရန်ကုန်အခြေစိုက်ငြိမ်းချမ်းရေးအတွက် ကျား၊ မ တန်းတူရေးမဟာမိတ်အဖွဲ့မှ  ပြန်ကြား/ဆက်သွယ် တာဝန် ခံအရာရှိ ကိုကောင်းလတ်က ငြိမ်းချမ်းရေးဆွေးနွေးရာတွင်  အမျိုးသမီးတို့ကိုဖိတ်ခေါ်ရန် မပျက်ကွက်သင့်ဟူသော အချက်ကိုသဘောတူသူ ဖြစ်သည်။

 

”ကျွန်တော်တို့က ဃောစ(စခန်း) တွေကိုကိုယ်စားပြု တဲ့ အမျိုးသမီးတွေကိုပါ ငြိမ်းချမ်းရေးဖြစ်စဉ်တွေမှာ ပါဝင် လာနိုင်ဖို့ တတ်နိုင်သမျှကြိုးစားနေပါတယ်”ဟု ကိုကောင်း လတ်က ဆိုသည်။

 

အမျိုးသမီးစွမ်းအင်

 

အမျိုးသမီးများရင်ဆိုင်နေရသည့် လိင်စော်ကားခံရမှု အပါအဝင်ပြဿနာများစွာနှင့် ပတ်သက်ပြီးငြိမ်းချမ်းရေး စားပွဲဝိုင်းတွင်သိရှိအဖြေရှာနိုင်ရန်အလို့ငှာ တိုက်ပွဲကြားတွင် ဖြတ်သန်းနေရပြီးငြိမ်းချမ်းရေးအတွက် ဆောင်ရွက်လိုသော အမျိုးသမီးတို့ကိုဆွေးနွေးပွဲသို့ ပို့ဆောင်ရေးမှာအရေးကြီး လုပ်ငန်းစဉ်တစ်ရပ်ဖြစ်နေသည်။

 

၂၁ ရာစုပင်လုံဆွေးနွေးပွဲများအစပြုချိန်တွင် အမျိုး သမီး၁၃ ရာခိုင်နှုန်းပါဝင်ခဲ့ပြီးနောက်ဆုံးဆွေးနွေးပွဲများတွင် ၁၇ ရာခိုင်နှုန်းအထိမြင့်တက်ခဲ့ခြင်းမှာသိသာထင်ရှားသည့် တိုးတက်ဖြစ်ထွန်းမှုတစ်ခုဖြစ်သည်။ သို့သော်လည်း အရေး ကြီးဆုံးဖြတ်ချက်ချမှတ်နိုင်သည့် နေရာများတွင်မူအမျိုးသမီး တို့ ပါဝင်နိုင်ခွင့်မရှိသေးချေ။ငြိမ်းချမ်းရေးဆွေးနွေးပွဲများတွင် အမျိုးသမီးကိုယ်စားလှယ် ၃ဝ ရာခိုင်နှုန်းအနည်းဆုံးပါဝင် ရေးဟူသော သတ်မှတ်ချက်အတိုင်းအမှန်တကယ် ဖြစ်လာ ရန် ကြိုးစားနေရဆဲပင် ဖြစ်သည်။

 

ငြိမ်းချမ်းရေးစားပွဲသို့ သွားရောက်သူများအနက်  မြေပြင်အခြေအနေမှန်ကို စုံစမ်းသိရှိထားသူမည်မျှပါဝင် သည်ဆိုသည်ကဒေါ်ရွယ်ဆမ် မေးလိုသည့် မေးခွန်းတစ်ခု ဖြစ်၏။

ထိုကဲ့သို့သော ဖြစ်ရပ်များအတွက် စစ်ပွဲများကြောင့် အမျိုးသမီးများအပါ် ထိခိုက်နစ်နာမှု၊ ပဋိပက္ခဖြေရှင်းရေး တွင် အမျိုးသမီးများ၏ အရေးပါမှုနှင့် ရေရှည်တည်တံ့သော ငြိမ်းချမ်းရေးတို့နှင့် စပ်လျဉ်းပြီးကုလသမဂ္ဂ လုံခြုံရေး ကောင်စီက အထူးအလေးထားဆုံးဖြတ်ထားသည်။ လုံခြုံရေးကောင်စီ၏ သက်တမ်း ၁၇နှစ်ရှိပြီဖြစ်သော အဆိုပါဆုံးဖြတ်ချက်အမှတ် ၁၃၂၅ကိုအစိုးရ၊ တပ်မတော်၊ လက်နက်ကိုင်တပ်ဖွဲ့များကလေး စားလိုက်နာကြရန် ပြည်တွင်း ပြည်ပအဖွဲ့များကတောင်းဆိုထားကြသည်။

 

ငြိမ်းချမ်းရေးစေ့စပ် ဆွေးနွေးကြစဉ် အမျိုးသမီးများ၊ လူမှုအဖွဲ့အစည်းများပါဝင်လျှင်  သဘောတူညီမှုပျက်ပြားမှု ၆၄ ရာခိုင်နှုန်းလျော့နည်းစေသည်၊ သဘောတူညီချက် ရေရှည်ခိုင်မြဲမှုကိုလည်း ၃၅ ရာခိုင်နှုန်းပိုမိုစေနိုင်သည်ဟု ကုလသမဂ္ဂအမျိုးသမီးအဖွဲ့က မှတ်တမ်းပြုထားသည်။

 

စေတနာ့ဝန်ထမ်းဒေါ်ရွယ်ဆမ်က လူသုံးကုန်ပစ္စည်း လေးများထုတ်လုပ်ရင်းသူ၏ ကလေးများကိုထိန်းသိမ်း စောင့်ရှောက်ခဲ့သူဖြစ်သည်။အရွယ်ရောက်လာသော အကြီး ဆုံးကလေးကစင်ကာပူတွင် သွားရောက်အလုပ်လုပ်နေပြီး၊  အငယ်ဆုံးမှာစတုတ္ထတန်းတက်နေသည်။

 

သူ့တွင်မျှော်လင့်ချက်တစ်ခုရှိနေသည်။ သူ့ မေးခွန်း များကိုဖြေပေးနိုင်မည့်သူ (သို့မဟုတ်) သူတို့ အကြောင်း စိတ်ဝင်တစားသိလိုသည့် လက်နက်ကိုင်တပ်ဖွဲ့ တာဝန်ရှိ သူတို့ကိုတွေ့ဆုံလိုသည့် မျှော်လင့်ချက်ဖြစ်သည် ဟုစစ် ရှောင်စခန်းရှိလူဦးရေ၁၉၅ဦးအသုံးပြုသည့် တစ်ခုတည်း သော ရေကန်ဘေးတွင် အဝတ်လျှော်ဖွပ်ရင်း ဒေါ်ရွယ်ဆမ် က ပြောသည်။

 

”ကျွန်မတို့ကိုကာကွယ်ဖို့ တိုက်ခိုက်ကြတယ်။ အဲ့ဒါ ဟာဘယ်လိုမှကာကွယ်ရာမရောက်ဘူးဆိုတာကို သူတို့ကို သိစေချင်တယ်”ဟုငြိမ်းချမ်းရေးဖြစ်စဉ်၏ တစ်ထောင့် တစ် နေရာမှ ပါဝင်အားဖြည့်ချင်သူဒေါ်ရွယ်ဆမ်က ပြောလိုက် သည်။     ။

 

 

Leave a Reply

Your email address will not be published. Required fields are marked *

%d bloggers like this: